Si poden fagher passizzadas in sas campagnas chi sun de sas pius bellas de su Logudoro Mejlogu. Sas localidades sun attraessadas dae su Riu Funtana 'Ide e su Riu Mannu. Sas erosiones testimonian chi bi fini sos vulcanos in Monte Ruju, in Monte Sanu e in Monte Pelau. In Monte Ruju si podet bider puru inue est passada sa lava ch'est falada finas a su pianu de su monte.



B'est puru sa cheja de Mesumundu, sa zona archeologica de Monte Sant'Antoni e nuraghes meda. Chie cheret visitare su Planetariu e s'Osservatoriu Astronomicu podet haere informatziones dae sa Sotziedade Astronomica Turritana.