Su Medioevo
In su territoriu dei como de Siligo, vicinu a inue est sa 'idda como,
bi fin tres biddas naschidas in s'epoca de su Medioevo.
Duas de custas sun isparidas in sa segunda meidade de su seculu XV e s'attera est bistada abbandonada in sos
primos annos de su seculu XIX. Sa 'idda de Siligo haiat su territoriu dei como cun atteras tres biddas:
CAPULA: unu casteddu cun d'unu burgu e sa cheja fit cussa de Sant'Antoni de Montecaptili in su monte.
CHERCHEDU: sa cheja fit Santu Nigola e fit inue est como Carrela 'e su Burgu.
BIDDA NOA DE MONTE SANTU: inue est como Biddanoa e sa cheja fit sa de Santu Pizzente.
De custas tres biddas sa pius inmportante si pensat chi fit sa de Capula cun su casteddu chi haiat unu
compitu importante pro su Meilogu in sos seculos XIV - XV.
S'ischit de zertu chi fit subra 'e su Monte Sant'Antoni inue bi fit puru una cheja dedicada a su Santu.
S'importanzia de sa rocca de Capula fit ca inie si podiat bider una bona parte de sa via Turresa chi cullegaiat
Cagliari a Tattari. Dae sas notiscias de sos cumbattimentos chi bi sun 'istados in su territoriu de Siligo b'est cussu de
su 1348 in Adu 'e Turtures. Cun sa Paghe de Sanluri est bistadu dezzisu chi su casteddu de Capula passaiat a sa Corona de Aragona.
De custu casteddu s'ischit finu a su 1442.
A sa formazione de sa 'idda de Siligo dei como hat cuntribuidu sa 'idda de Cherchedu chi si pensat fit inue est como Carrela 'e
su Burgu e inue bi fit sa cheja de Santu Nigola. Si podet pensare chi sa 'idda esistiat umpare a Siligo.
