Santa ‘Ittoria
Sa cheja parrocchiale est dedicada a Santa ‘Ittoria e est de su 1500.
S’attu pius betzu de sos registros parrocchiales est unu attu de battijmu de su 1628.
Dae tando sa cheja est bistada cambiada pagu ma est bistada acconza.
Dae su 1913 bi fit Don Fiocca finzas a sa morte e li naraian nonnu Rettore.
Dae su 1941 a su 1979 dae Don Giovanni Sanna, chi naraian compare Rettore; dae su 1979 a su 1985 dae
Don Giuseppe Villa; dae su 1985 a su 1991 dae Don Gianni Pinna; dae su 1991 a su 1995 dae Don Antonio Cuccureddu,
umpare a sa Parrocchia de ‘Anari; dae Don Salvatore Spina, preideru di Siligo e de Banari dae su 1995. Como
(dae su 25 de Capidanni de su 2005) su preideru est Don Antonino Canu.
S’iscrittore e istudiosu Angius in su liberu “Dizionario Geografico, Storico, Statistico,
Commerciale” faeddat de sa cheja de Santa ‘Ittoria e de su Campusantu antigu affacca a sa cheja.
Narat chi Ubaldo de’ Visconti, maridu de Adelasia, diventadu Giudice de Torres daboi de sa morte
de su connadu Barisone, “in su 1239 ruet malaidu in custa idda, e l’hana sutterradu in sa cheja parrocchiale”: ma
in cuss’annu sa cheja non fit Santa ‘Ittoria ma Santu Nigola, e quindi est più giustu de pensare chi sa cheja fit cust’ultima.
S’ultimu tribagliu fattu in sa cheja est sa fatzada, finida in su 2005.
