Santu Pizzente
Sa cheja est lontana tres chilomitros dae sa 'idda de Siligo, affacca
a s’istrada pro Ardara e a pagos metres dae sa superstrada.
Est de su seculu XII e podet esser ‘istada sa cheja de sa idda abbandonada de Idda Noa de
Montesantu. Est bistada acconza meda bortas in sos annos ma hat sempre resistidu a su tempus e como est in bonas conditziones.
S’istatua chi b’est in sa nicchia est de su ’20 e un’attera istatua de linna de valore est
remunida in sa cheja de Santa ‘Ittoria e la jughen in prozessione in sa festa s’ultima chida de Austu.
Sant’Antoni
Subra ‘e su Monte Sant’Antoni, bi fin finzamentas sa cheja de sant’Antoni, distrutta in sa meidade de su 1800.
Cheja de Nostra Signora de ‘Anzos
De custa cheja s’ischit dae sos bezzos chi s’ammentan chi bi fit, ma como no b’hat pius nudda. Sos Silighesos s’ammentana chi sa cheja fit affacca a su Campusantu dei como in Banzos. B’est puru s’istatua jamada Nostra Signora de ‘Anzos, chi como est remunida a S’Apru.
