Santu Nigola
Sa prima parrocchia de Siligo fit in sa parte pius alta de sa idda, chi como la jamana Carrela ‘e su Burgu
ca sa cheja fit dedicada a Santu Nicola de Bari. Custa cheja bi fit ja dae sos pimos de s'annu 1000,
custu lu narat Su Condaghe de Sorres de su seculu XV. B’est iscrittu chi su Mussegnore de Sorres e tottu
sos preideros de sa zona (sa curatoria de su Mejlogu) si riunian intro ‘e sa cheja de Santu Nigola de Siloghe
pro faeddare de sas cosas de cheja. In sos pes de Su Runaghe bi fit su Campusantu; diffatti meda boltas sos
pastores agattaian ossos de omines, dinari e cosas sacras.
In sa cheja de Santu Nigola bi naraian missa finzas a su 1490, forsis finzas a su 1505.
In Su Condaghe de Sorres bi sun sos nomes de sos rettores
:: Pinna Irsocho (1341-1350);
:: Franziscu de Marongiu (1442-1445);
:: Pedru de Serra (1456-1480);
:: Juanne Serra e Antonio de Liquiris (1505).
