Santa Rughe
Forsis est ‘istada fatta umpare a sa cheja de Santa ‘Ittoria (a sa fine de su 1500 o sos primos de su 1600) e
d’est affacca a sa Domo Parrocchiale in sa Via Printzipale.
Intro b’est sa Rughe antiga de sa meidade de su 1800 de chercu pro sa Chida Santa.
In mesu b’haiat unu lampadariu de ferru, ‘attidu dae sa cheja parrocchiale in su 1955.
S’altare est de su ‘700 e in mesu b’hat una rughe de sa fine de su 1300.
Bi sunu duas colonnas cun duos anghelos de gesso e una rughe antiga. Su tabernaculu est in bonas conditziones.
In su presbiterio bi fit un’antighu imbenujadosu e como b’est una parte de su pulpitu de linna de sa cheja parrocchiale de su 1600.
S’ultima olta chi est bistada acconza est in su 2004.
