Mesumundu
Connotta pro “Mesumundu” in Biddanoa, est una costruzione in tundu de fascias de mattones e
pedra ruja. In sa cheja, de s’edade bizantina bi sun sos bascones chi dana a sos battor
puntos caldinales e sos bezzos naraian chi in su bascone chi daiat a Siligo, chi como est tancadu,
bi fit sa Madonna de Mesumundu: est una Madonna de su 1600, de linna, alta unu metre cun Gesusu
minoreddu chi in sas manos giughet su mundu.
Mesumundu est istada donada a sos frades Benedettinos de Montecassinu umpare a sa cheja de Sant’Elies.
In su 1605 su Giuduce Barisone I de Torres haiat iscrittu a s’abate Desideriu pro li preguntare de
mandare in Sardigna unu gruppu de padres e isse in cambiu li daiat custas chejas.
De s’avvenimentu b'est iscrittu puru in sa janna de sa cheja de Montecassino:
“… item in Sardinia
ecclesia Sanctae Mariae
in loco qui dicitur Bubalis
Sancti Heliae de Monte Santo”.
In su 1147, su 24 de lampadas, su giudice sardu Gonario II de Torres hat dadu cunfrimma de sa donazione.
