Est troppu diffizile de faeddare de tottus sas ricercas chi hat fattu, ma non si podet immentigare s’istudiu subra de s’Echinococcosi/Idatidosi e fit unu de sos primos chi hat fattu su “Piano di eradicazione dell’Echinococcosi/Idatidosi in Sardegna” chi però, e a isse l’est dispiaghidu meda, no hat appidu su suzzessu chi cheriat; però est istadu su motivu chi l’hat fattu andare a d’ainanti in s’istudiu.
Fit meda ligadu a s’isola e sas traditziones e fit cunvintu chi s’isviluppu passaiat in sa modernizzazione de s’allevamentu de sas biveghes, medas importantes pro sa Sardigna. Fit convintu chi connoschende tottus sas modas modernas sos pastores podian mezzorare sas cunditziones de sa vida e de su tribagliu.
No nos podimus immentigare tottus sas atteras cosas chi hat fattu pro s’ambiente, hat finzas partezipadu a sa costituzione de s’Area Marina Naturale Protetta de Tavolara – Punta Coda Cavallo chi forsis, si no fit istadu dae a isse e atteros, non fit naschida.
Hat fundadu, umpare a atteros s’Istituto delle Civiltà del Mare (ICIMAR). Est istadu iscrittu a medas Soziedades : Società Italiana delle Scienze Veterinarie (SISVet), Società Italiana di Buiatria (SIB), Società Italiana di Patologia Ittica (SIPI), European Association of Fish Pathologist (EAFP), Associazione Italiana Patologi Veterinari (APIV), Società Italiana di Medicina Tropicale (SIMT), Società Malacologica Italiana (SMI), Internacional Association of Hydatidology (IAH), Società Sarda di Scienze Naturali (SSSN).
S’est meda impignadu pro s’iviluppu de sa Soziedade de Parassitologia (SOIPA), comente soziu dae su 1959, vicepresidente dae su 1982 a su 1984 e dae su 1989 a su 1992 e organizzadore de su X Cungressu Natzionale in s’Alighera in su mese de lampadas de su 1980.
Est istadu meda impignadu finzas in sa Soziedade Italiana di Patologia ed Allevamento degli Ovini e dei Caprini (SIPAOC), non solu comente Presidente dae su 1983 a su 1986, ma puru comente soziu.
Su Comune de Siligo, umpare a s’Universidade de Tattari, hat cheffidu dedicare unu ricordo a su professore Effis Arru cun s’intitolazione de s’Osservatorio Astronomico a sa memoria sua, cun d’una cerimonia su 23 de abrile de su 2005.
