Effis Arru
..ricordarlo è ricordare Siligo a cui era indissolubilmente legato non solo per i
legami familiari, ma anche per quelli che aveva con i sui abitanti
e col territorio, fiero com’era delle sue radici contadine.
G. Garippa
Ricordo di Efisio Arru
Est naschidu in Siligo s’11 de sant’andria de su 1927. In su 1952 leat sa maturitade classica in su Liceo de Tattari. S’iscriet in su mattess’annu a s’universidade in medicina veterinaria e in sos annos 1952/1956 binchet una borsa de istudiu dae sa regione. Leat sa laurea su 10 de sant’andria de su 1956 cun su massimu de sos votos e sa lode cun su proffessore Arturo Carta, cun d’una tesi intitolada “ Sui nematodi gastrointestinali degli equini”. Subitu daboi de sa laurea incominzat sa carriera in s’universidade in sa Facultade de medicina veterinaria de Tattari, pimmu comente assistente, daboi liberu docente e a sa fine proffessore ordinariu e istraordinariu de sas maladias parassitarias de sos animales e puru direttore de s’Istituto de Patologia Generale e Anatomia Patologica Veterinaria, finzas a s’ic’andare in pinzione in su 1997. S’attividade de ricercatore dae su 1959 a su 1997 est bistada meda importante. Sa leziones chi faghiat fini bellas e sos istudentes l’istimaian. S’attividade de ricerca cun pius de 200 iscrittos faeddaian de Anatomia Patologica e de Ispezione de sos alimentos, ma isse hat dedicadu a sa Parassitologia sa mazzore parte de su tempus pro mezzorare sas produziones e pro su progressu de sos pastores sardos.
