Viaggiare a s'estero - Carta 'e identidade
Pro sos maggiorennes (18 annos giompidos) -
Sa carta 'e identidade est valida pro s'espatriu, bastu chi sos zittadinos
dichiaren de no s'agattare in conditziones chi no poden, pro legge, haere su passaportu.
(Richiesta de sos genitores cun fizzos minores: si sun cojuados nisciuna formalidade;
si est s'unicu chi hat sa patria potestà devet fagher bider sa documentazione;
si est separadu o divorziadu devet fagher bider su
consensu de s'atteru genitore; si cunviven, e no sun cojuados, deven haere sa matessi
residenzia o deven fagher una dichiaratzione).
Pro sos minorrennes (dae sos 15 annos giompidos a sos 18 annos) o interdettos -
Sa carta 'e identidade podet essere valida pro s'espatriu cun s'assensu de tott'e duos
sos genitores o de su tutore cun d'unu documentu de riconnoschimentu validu; si no b'est
s'assensu bi cheret su nulla oasta de su Giudice Tutelare fattu dae su Tirbunale.
Pro sos chi hana in mancu de 15 annos -
Est previstu unu documentu validu pro s'espatriu. Custu documentu est unu zertificadu de naschida chi
si devet giughere in Questura pro lu vidimare in s'uffisciu Passaportos. Bi deven essere su minore e
tott'e duos sos genitores e bi cheren duas fotografias
Sa carta 'e identidade est valida chimb'annos dae sa data de rilascio.
